У нямецкім Гале невядомы адкрыў стральбу ля сінагогі
- 9.10.2019, 14:29
(Абноўлена) Паліцыя паведаміла пра дзве ахвяры.
Невядомы адкрыў стральбу ў нямецкім горадзе Гале, паводле папярэдняй інфармацыі, двое чалавек загінулі, паведамляецца на старонцы мясцовай паліцыі ў Twitter, паведамляе РБК.
Паліцыя паведаміла пра дзве ахвяры, паказаўшы, што гаворка ідзе пра першую наяўную інфармацыю. Меркаваныя злачынцы ўцяклі на аўтамабілі, паказваецца далей у паведамленні.
СМІ паведамляюць, што стральба адкрытая каля сінагогі.
Паводле інфармацыі газеты Bild, злачынец страляў з аўтамата, а таксама кінуў ручную гранату ў бок габрэйскіх могілак.
Паліцыя паведамляе, што ўжывае ўсе неабходныя захады да іх затрымання і просіць грамадзян не пакідаць свае кватэры.