Трамп заклікаў Хілары Клінтан уступіць у прэзідэнцкую гонку

• 8.10.2019, 18:39

Прэзідэнт ЗША адзначыў, што пры гэтым Клінтан павінна выканаць адну ўмову.

Прэзідэнт ЗША Дональд Трамп заявіў, што экс-кандыдату ад Дэмакратычнай партыі на пасаду прэзідэнта ЗША Хілары Клінтан варта зноў уступіць у прэзідэнцкую гонку. Пра гэта паведамляе РБК-Украіна са спасылкай на паведамленне Трампа ў Twitter.

Кіраўнік Белага дома адзначыў, што пры гэтым Клінтан павінна выканаць адну ўмову – даць тлумачэнні з нагоды скандалу вакол яе службовай перапіскі, калі будучы кіраўніцай Дзярждэпартамента яна выкарыстоўвала ў працоўных мэтах асабістую электронную паштовую скрыню.

«Я мяркую, што карумпаванай Хілары Клінтан варта ўступіць у прэзідэнцкую гонку, каб паспрабаваць перамагчы і выкрасці гэтую магчымасць у вельмі левай Элізабэт Уорэн», - напісаў ён.