У NASA запісалі, як гучыць Марс
- 6.10.2019, 17:06
Гукі атрымалася запісаць у апарата, які ўлоўлівае найменшыя ваганні.
Нацыянальнае аэракасмічнае агенцтва ЗША апублікавала аўдыязапісы, зробленыя ў рамках праекта InSight на паверхні Марса. Пра гэта гаворыцца на афіцыйным сайце агенцтва, піша liga.net.
У апарата, які можа ўлоўліваць найменшыя ваганні, атрымалася запісаць гукі марсіянскага ветру і землятрусаў.
Калі вецер нагадвае гукавую дарожку з Sci-Fi фільма, то кара Марса гучыць вельмі нізка і шчыльна. Навукоўцам давялося паскорыць запісаны сігнал, каб чалавечае вуха змагло яго пачуць.
Для таго каб паслухаць землятрус, у NASA рэкамендуюць выкарыстоўваць навушнікі.
Першы землятрус Sol 173 адбыўся 22 траўня 2019 года (173-і соль – марсіянскі дзень місіі). Ягоная магутнасць склала 3,7 балаў паводле шкалы Рыхтэра.
Другі, Sol 235, здарыўся на 235 соль. Магутнасць – 3,3 бала.
Гэтыя запісы, мяркуюць у NASA, сведчаць пра тое, што марсіянская кара з'яўляецца актыўнай і нагадвае сумесь кары Зямлі і Месяца.