Сёння ўначы чакаюцца замаразкі, а ў панядзелак - першы снег

• 6.10.2019, 10:22

Уначы на большай частцы тэрыторыі Беларусі будзе -4°С.

Паводле інфармацыі «Белгідрамета», уначы на большай частцы краіны чакаюцца замаразкі да -4°С, паведамляе belsat.eu.

Максімальная тэмпература ўдзень - ад +2°С на поўначы і да +10°С на паўднёвым усходзе.

У панядзелак пахаладанне ўзмацніцца. У некаторых раёнах Беларусі пройдуць кароткачасовыя ападкі - мокры снег і дождж. Уначы будзьце гатовыя да замаразкаў.

Тэмпература можа апусціцца да -5°С. Месцамі тэмпература паветра ўдзень складзе +4°С, а максімальная тэмпература будзе блізу +7°С.