Зміцер Паліенка: Мяне вызваліла салідарнасць

• 26.10.2019, 11:21

Актывіст плануе абскардзіць пастанову Менскага гарадскога суда.

Пасля сямі месяцаў зняволення і суда большасць абвінавачванняў супраць актывіста анархісцкага руху Змітра Паліенкі скасавана. Прысуд – так званая «хатняя хімія» – абмежаванне волі паводле месцы жыхарства, паведамляе «Белсат».

Актывіст на волі, але прызнаны «вінаватым у злосным хуліганстве». Паліенка не згодны з прысудам і плануе абскардзіць пастанову Менскага гарадскога суда.

Зміцер Паліенка, актывіст анархісцкага руху:

«Я быў гатовы да горшага, чакаў 4 гады турмы, але салідарнасць і падтрымка праваабаронцаў, грамадскасці і маіх сяброў вызвалілі мяне. Мяне судзілі паводле ліпавых абвінавачванняў, супрацоўнікі 3 аддзела ГУБАЗіК падманулі сведку, каб ён абгаварыў мяне».