Фармаваць новы ўрад Ізраіля будзе лідар апазіцыі Бені Ганц

• 23.10.2019, 20:56

У канкурэнта Нетаньяху ёсць 28 дзён на фармаванне ўрада Ізраіля.

Старшыня цэнтрысцкага блока партый «Кахоль-Лаван» і экс-начальнік генштаба Арміі абароны Ізраіля Бені Ганц атрымаў мандат ад прэзідэнта краіны Рэўвен Рыўлін, які дае яму магчымасць за 28 дзён сфармаваць урадавую кааліцыю.

Пра гэта паведамляе The Jerusalem Post.

За гэты час яму трэба будзе заручыцца падтрымкай як мінімум 55 парламентарыяў. Калі ж Ганц з гэтай задачай не справіцца, Ізраілю, імаверна, прыйдзецца зноў выбіраць парламент ужо трэцім разам за год.

Першапачаткова фармаваць урад павінен быў дзейны прэм'ер Ізраіля Беньямін Нетаньяху. Але дамовіцца аб фармаванні кааліцыі ў адведзены тэрмін яму не ўдалося.