Эканаміст: Літве неабходна ўмацоўваць эканоміку ў варунках замаруджвання глабальнага росту

• 21.10.2019, 16:46

Урад Літвы зацвердзіў бюджэт краіны на будучы 2020-ы год.

Цяпер бюджэт будуць разглядаць у Сейме. Па каментар сайт Charter97.org звярнуўся да галоўнага эканаміста Swedbank у Літве Нерыюса Мачуліса.

- Якую ацэнку вы б далі намерам урада ўвесці новыя падаткі для жыхароў?

- Улічваючы неспрыяльнае эканамічнае асяроддзе: запаволенне сусветнай эканомікі, скарачэнне сусветнага гандлю, тое, што Нямеччына - асноўны экспартны партнёр Літвы, ужо ўступіла ў фазу ў рэцэсіі, падвышэнне падаткаў азначае, што попыт, як для кампаній-экспарцёраў, так і ўнутраны зазнае негатыўны ўплыў.

- Раскажыце больш падрабязна пра бюджэт Літвы на 2020 год.

- Доля выдаткаў у бюджэце на наступны год спланаваная добра, натуральна, неабходна ўмацоўваць эканоміку ва ўмовах замаруджвання глабальнага эканамічнага росту.

Аднак, мне бачыцца, што пэўная праблема існуе на ўзроўні планавання даходаў. Урад і яго экспэрты чакаюць, што павелічэнне падаткаў прывядзе да хуткага павелічэння даходаў бюджэту. Тым часам можа адбыцца наадварот. Як гэта было ўжо ў 2009 годзе, калі ва ўмовах негатыўнай эканамічнай сітуацыі падвышэнне падаткаў і даходы бюджэту не раслі, а падалі па меры росту ценявой эканомікі і ўхілення ад выплаты падаткаў.