Відэафакт: Як прарывала дамбу ў Краснаярскім краі РФ

• 20.10.2019, 15:15

З'явіліся кадры, знятыя з паветра.

Управа МНС Краснаярскага краю апублікавала відэа, на якім знятыя наступствы прарыву дамбы ў раёне пасёлка Шчацінкіна. На кадрах, зробленых з паветра, рака, якая заліла тэрыторыю пасёлка, а таксама рабочую тэхніку, паведамляе РБК.

У ноч на 19 кастрычніка ў 170 км на поўдзень ад Краснаярска прарвала дамбу, размешчаную на рацэ Сейма каля золатаздабывальнай арцелі. Праз гэта затапіла два вагончыкі, у якіх жылі рабочыя. У выніку загінулі не менш за 15 чалавек. У населеным пункце пачалі эвакуацыю жыхароў, а ў Курагінскім раёне, дзе адбыўся інцыдэнт, увялі рэжым НЗ. 21 кастрычніка абвешчанае ў рэгіёне днём жалобы.

Следчы камітэт распачаў крымінальную справу паводле артыкула аб парушэнні правілаў бяспекі пры вядзенні работ, што пацягнула смерць дзвюх і больш асоб. Паводле версіі рэгіянальнай управы ўстановы, прарыў гэтай дамбы мог адбыцца праз разбурэнне яшчэ адной, якая знаходзіцца вышэй па плыні.

Губернатар Краснаярскага краю Аляксандр Вус удакладняў, што дамба не была зарэгістраваная і належыць холдынгу «Сібзолата», які працаваў на капальні згодна з ліцэнзіяй.