У Швайцарыі выбіраюць новы парламент

• 20.10.2019, 14:07

Апытанні паказваюць, што поспеху могуць дасягнуць зялёныя партыі.

Выбаршчыкі ў Швайцарыі выбіраюць новы нацыянальны парламент; апошнія апытанні паказваюць, што поспеху могуць дасягнуць зялёныя партыі.

Пра гэта паведамляе Еўрапейская праўда са спасылкай на AP.

Выбары 200 сябраў Нацыянальнай рады, ніжэйшай палаты парламента, і 46 сябраў Рады кантонаў, вышэйшай палаты, могуць стаць чарговым знакам таго, што асцярогі з нагоды змены клімату ўплываюць на еўрапейскія электаральныя настроі.

Галасаванне заканчваецца апоўдні ў нядзелю. Большасць швайцарскіх выбаршчыкаў аддае свае галасы поштай.

Альпійская краіна з насельніцтвам 8,2 мільёна чалавек мае стабільны палітычны ландшафт з шырокай кааліцыяй партый, пачынаючы ад левай да правапапулісцкай Швайцарскай народнай партыі - найбольшай партыі ў парламенце, прадстаўленай у кіроўнай Федэральнай радзе. Зялёныя партыі ў яе не ўваходзяць.