У суботу ў Беларусі чакаецца да +23 градусаў

• 18.10.2019, 21:19

19 кастрычніка ў краіне будзе воблачнае з прасвятленнямі надвор'е.

Ападкаў не чакаецца, але ўначы і раніцай магчымы туман. Вецер будзе паўночна-заходні, паўднёва-заходні, 4-9 метраў на секунду. Мінімальная тэмпература паветра ўночы +6... +12 градусаў, удзень слупок тэрмометра падымецца да +14... +20, а на поўдні магчыма да +23 цяпла.

У нядзелю таксама захаваецца воблачнае з праясненнямі надвор'е. У Віцебскай вобласці магчымыя кароткачасовыя дажджы на паўночным усходзе. Уночы і раніцай месцамі туман. Вецер паўднёвы, 4-9 метраў на секунду. Мінімальная тэмпература паветра ўночы +5... +12 градусаў, удзень ад +14 да +20, на поўдні паветра прагрэецца да +22 цяпла.