Саміт Еўразвязу ўхваліў угоду па Brexit

• 17.10.2019, 20:42

Саміт ЕЗ зацвердзіў дату выхаду Вялікабрытаніі з Еўразвязу.

Саміт кіраўнікоў 27 краін-сябраў Еўрапейскага звязу адобрыў угоду па Brexit, паведаміў падчас прэс-канферэнцыі старшыня Еўрапейскай рады Дональд Туск. Трансляцыя вялася на сайце Еўрапейскай рады, паведамляе РБК.

Як вынікае з заявы, апублікаванай на сайце еўрапейскага заканадаўчага органа, саміт Еўразвязу зацвердзіў дату выхаду Вялікабрытаніі - ён павінен адбыцца 1 лістапада ў тым выпадку, калі брытанскі парламент ратыфікуе ўсе дакументы. У тэксце паведамлення таксама гаворыцца, што Еўрапейская рада зацвердзіць палітычную дэкларацыю, якая змяшчае асноўныя параметры стасункаў паміж ЕЗ і Брытаніяй. Пры гэтым у Еўразвязе зноў пацвердзілі намеры захаваць «як мага больш цеснае партнёрства» з каралеўствам.

Удзень 17 кастрычніка кіраўнік Еўракамісіі Жан-Клод Юнкер паведаміў у сваім Twitter, што Еўразвяз і Вялікабрытанія дасягнулі пагаднення па Brexit. Прэм'ер-міністр каралеўства Барыс Джонсан назваў дамоўленасць «знакамітай новай угодай», заявіўшы, што цяпер брытанскі парламент павінен адобрыць пагадненне.

Раней Джонсан паведамляў, што мае намер падаць ЕЗ новы план выхаду з саюза. Бакі не маглі дасягнуць кансэнсусу ў тэксце пагаднення, бо ім не ўдавалася дамовіцца аб тым, як захаваць празрыстасць мяжы Паўночнай Ірландыі (частка Вялікабрытаніі) і Ірландскай рэспублікі (асобная дзяржава, якая знаходзіцца ў ЕЗ).

У красавіку Вялікабрытанія і ЕЗ узгаднілі 31 кастрычніка як новую магчымую дату ўгоды. Джонсан неаднаразова заяўляў, што мае намер вывесці краіну з ЕЗ да гэтага дня па-за залежнасці ад таго, ці ўдасца каралеўству дасягнуць пагаднення з саюзам.