Ватыкан прадставіў «разумны» ружанец для малітваў
- 16.10.2019, 21:05
Прылада распрацаваная для таго, каб дапамагаць маладым людзям у чытанні малітваў.
Ватыкан выпусціў «разумны» электронны ружанец «Click to Pray», які павінны дапамагчы карыстальніку падчас чытання малітваў, паведамляе РБК са спасылкай на Engadget.
Гаджэт уяўляе з сябе дзесяць чорных пацерак і «разумны» крыж. Для актывацыі прылады выкарыстоўваюцца жэсты - яго ўладальнік павінен перахрысціцца, піша Vatican News. Прылада распрацаваная для таго, каб дапамагаць маладым людзям у чытанні малітваў, адзначае выданне.
Ружанец сінхранізаваны з мабільным дадаткам, ён будзе сачыць за тым, як карыстальнік выкарыстоўвае яго ў ходзе малітвы, і захоўваць адпаведную інфармацыю - такім чынам уладальнік зможа сачыць за сваім прагрэсам.
Прылада каштуе €99 (блізу $110). Гаджэт прэзентавалі на прэс-канферэнцыі ў Ватыкане 15 кастрычніка.
Гэты праект - частка ініцыятывы Pope's Worldwide Prayer Network, накіраваны на мабілізацыю каталікоў ва ўсім свеце. Распрацоўкай прылады займалася кампанія GadgeTek Inc.