Зяленскі прысвоіў кіраўніку ўправы Дзяржаховы новае званне і звольніў яго

• 16.10.2019, 18:11

Адпаведныя ўказы размешчаныя на сайце ўкраінскага прэзідэнта.

Прэзідэнт Украіны Уладзімір Зяленскі звольніў з пасады начальніка ўправы Дзяржаўнай аховы Украіны Аляксея Ацэрклевіча адразу пасля прысваення яму новага звання. Адпаведныя ўказы размешчаныя на сайце ўкраінскага прэзідэнта.

Першым указам Зяленскі прысвоіў Ацэрклевічу воінскае званне генерал-маёра. Адразу пасля гэтага быў апублікаваны новы дакумент. «Вызваліць Ацэрклевіча Аляксея Яраслававіча ад пасады начальніка ўправы Дзяржаўнай аховы Украіны», - гаворыцца ў ім.

Пасаду Ацэрклевіча зойме Сяргей Рудзь, вынікае з трэцяга дакумента.

На сайце ўкраінскага Цэнтра навучання і падрыхтоўкі ахоўнікаў паведамляецца, што Рудзь займаў пасаду начальніка Цэнтра першаснай і прафесійнай падрыхтоўкі Інстытута Управы дзяржаўнай аховы Украіны Кіеўскага нацыянальнага ўніверсітэта імя Тараса Шаўчэнкі.