У Сочы гарыць база расейскай ПВК «Вагнера»
- 16.10.2019, 13:28
Будынак за высокім плотам ахапіла полымя.
У сетцы апублікаванае відэа пажару, які адбыўся, паводле звестак крыніцаў, у адной з вайсковых частак прыватнай ваеннай кампаніі РФ «Вагнер». Ваенны аб'ект размешчаны ў расейскім курортным горадзе Сочы, паведамляе sprotyv.info.
На апублікаваным у Твітэры відэа – ахоплены полымем будынак за высокім плотам. Паводле звестак сайта «Вікімапія», гэта мілітарны аб'ект, размешчаны на каардынатах 43°25'8"N 39°55'16" E.
Раней група «ІС» паведамляла, што расейская група «Вагнер» – таемная арганізацыя наймітаў, якія вядуць войны ад імя Крамля супраць Украіны, у Сірыі і Цэнтральна-Афрыканскай Рэспубліцы. З юрыдычнага пункту гледжання, розныя прыватныя арміі ў РФ афіцыйна не існуюць. Расейскае заканадаўства забараняе ім функцыянаваць.