Суддзя ў справе Змітра Паліенкі «паздаравеў»

• 15.10.2019, 11:59

Прызначаная новая дата пачатку працэсу.

Праваабаронцам ПЦ "Вясна" стала вядома, што суд над сацыяльным актывістам Змітром Паліенкам пачнецца ў Менскім гарадскім судзе ў чацвер, 17 кастрычніка. Пачатак у 10:30.

Гэта пацвярджаецца раскладам судовых пасяджэнняў, размешчаным на афіцыйным сайце Вярхоўнага суда Беларусі. Паведамляецца, што паседжанне будзе закрытым.

Нагадаем, суд над Змітром Паліенкам павінен быў пачацца 25 верасня. Але перад самым пачаткам яго перанеслі праз хваробу суддзі П. Арлова.