Навукоўцы даведаліся, калі Марс страціў ваду

• 10.10.2019, 20:26

Раней на Чырвонай планеце было шмат рэк і азёр.

Марсаход Curiosity атрымаў новыя звесткі з кратара Гейл на Марсе, якія дазваляюць удакладніць храналогію змены клімату на Чырвонай планеце, паведамляе mail.ru са спасылкай на часопіс Astronomy.

Вядома, што кратар утварыўся 3,5-3,8 млн гадоў таму ў выніку падзення метэарыта. Раней у ім былі знойдзеныя ападкавыя пароды, якія сведчаць пра тое, што ў старажытнасці кратар быў возерам, але затым яго воды выпарыліся праз змену клімату.

Розныя пласты парод у кратары з'явіліся ў розны час. Самыя глыбокія - раней за ўсё, верхнія - пазней. Аналізуючы склад гэтых адкладаў, навукоўцы марсіянскай навуковай лабараторыі могуць прасочваць храналогію змены клімату на планеце.

Curiosity выявіў у скалах кратара адносна «маладыя» паклады сульфатаў, якія гавораць пра тое, што возера ў нейкі перыяд было вельмі салёным. Прычынай высокай канцэнтрацыі соляў магло быць выпарэнне вады.

Навукоўцы датавалі пласты сульфатаў 3,5 мільярдамі гадоў. Менавіта ў гэты час, лічаць яны, клімат Марса стаў сухім, і планета пачала страчваць ваду. Высновы даследчыкаў апублікаваныя ў Nature Geoscience.