Зяленскі: Развядзенне ў Пятроўскім і Залатым магчымае толькі адначасова

• 10.10.2019, 16:34

Прэзідэнт Украіны распавёў пра ўмовы для развядзення войскаў.

Развядзенне войскаў у Пятроўскім Данецкай вобласці і Залатым Луганскай вобласці павінна адбыцца адначасова. Пра гэта 10 кастрычніка падчас прэс-канферэнцыі заявіў прэзідэнт Украіны Уладзімір Зяленскі, паведамляе карэспандэнт выдання «Гордон».

Прэзідэнт растлумачыў, што існуюць дамоўленасці аб развядзенні войскаў у трох населеных пунктах: Залатым, Пятроўскім і станіцы Луганскай. У апошнім развядзенне адбылося, бо там цягам сямі дзён захоўваўся рэжым цішыні.

«Прайшло ў Пятроўскім сем дзён і не было стрэлаў? Прайшло. Але мы будзем разводзіць два звяны - Пятроўскае і Залатое. Няма такога, што спачатку Залатое, а затым Пятроўскае, ці Пятроўскае, а затым Залатое. Мы сказалі, што гатовыя [да развядзення] у двух пунктах. Таму мы не разводзім, бо ў Залатым былі стрэлы», - распавёў ён.