Зяленскі назваў умову, пры якой зноў распусціць Раду
- 10.10.2019, 14:53
Прэзідэнт Украіны гатовы гэта зрабіць, нягледзячы на большасць ягонай партыі ва ўкраінскім парламенце.
Прэзідэнт Украіны Уладзімір Зяленскі заяўляе, што гатовы распусціць парламент і сваю партыю «Слуга народа», калі яны не будуць знаходзіць кампраміс, паведамляе «Новое время».
Пра гэта ён сказаў у жывым эфіры прэс-марафону ў Кіеве падчас каментару інфармацыі пра раскол у «Слузе народа».
Зяленскі заявіў, што можа распусціць партыю праз год, калі яны «пачнуць есці адзін аднаго».
«Людзі іх выбіралі. Яны перамаглі, дзякуючы мне і дзякуючы таму, што шмат хто з іх нешта значыць. Я не хачу ламаць гэтую партыю. Яны ведаюць маё стаўленне. Калі яны пачнуць есці адзін аднаго - я праз год іх распушчу», - адзначыў ён.