Побач з аэрапортам аўстрыйскага Лінца грымнуў выбух
- 10.10.2019, 13:21
Пацярпелі дзевяць чалавек.
Побач з аэрапортам аўстрыйскага горада Лінц адбыўся выбух, паведамляе газета Nachrichten.
У выніку здарэння былі параненыя дзевяць чалавек, трое з іх знаходзяцца ў цяжкім стане. Пацярпелых даставілі ў лякарні Лінца і Вены.
Выбух грымнуў на смеццеперапрацоўчым прадпрыемстве прыблізна а 8:00 (07:00 паводле Менску), пасля яго адбылося ўзгаранне, удакладняе тэлеканал N-TV.
На месцы здарэння працуюць пажарныя. Прадстаўнік паліцыі удакладніў Nachrichten, што тушэнне пажару можа заняць некалькі гадзін. Пра прычыны інцыдэнту не паведамляецца.