Пад Івацэвічамі перакуліўся мікробус з пасажырамі
- 26.01.2019, 17:24
Мікробус, які ехаў з Пінска ў Менск, вылецеў у кювет і перакуліўся.
Увечары 25 студзеня на шашы Пінск-Івацэвічы каля вёскі Козікаў мікробус, які ехаў з Пінска ў Менск, вылецеў у кювет і перакуліўся.
Пра аварыю стала вядома ад чытачоў суполкі «ЧП Беларусь|Будь в курсе!», перадае «Белсат».
«Усе жывыя», - піша аўтар паведамлення.
Адзін з каментатараў сцвярджае, што кіроўца мікрааўтобуса спрабаваў унікнуць сутыкнення з сустрэчным аўтамабілем, які занесла на іншую палосу.
Іншыя пішуць, што шаша з Івацэвічаў да Пінска - небяспечная:
«Дарогі няма, адны яміны і дзікія жывёліны. Калі яшчэ снег, то не чысцяць».