«Прапагандысты прыехалі»: украінцы ў ПАРЕ зноў пацвялілі расейскую журналістку

• 24.01.2019, 16:37

На мінулай сесіі Асамблеі Скабеевай давялося выслухаць гімн Украіны.

Прадстаўнікі ўкраінскай дэлегацыі ў Парламенцкай асамблеі Рады Еўропы зноў пацвяліліся з расейскай журналісткі Вольгі Скабеевай, паведамляе segodnya.ua.

«Вы будзеце смяяцца, але падчас дэбатаў што да Азова ў кулуарах Рады Еўропы зноў з'явілася Скабеева. Зноў мы іх моцна дасталі», - напісаў у Facebook кіраўнік украінскай дэлегацыі ў ПАРЕ, народны дэпутат ад БПП Уладзімір Ар’еў.

«Прапагандысты прыехалі, прапагандысты...Вы крыху памыліліся месцам і не туды прыехалі - трэба было ў Гаагу, бо там неўзабаве будуць судзіць вашага Пуціна (прэзідэнта РФ. - Рэд.). Не толькі яго, але і многіх іншых. Таму вам трэба вывучаць Гаагу, яе месцазнаходжанне і як там усё адбываецца», - сказаў палітык.

Нардэп таксама праінфармаваў прапагандыстаў, што сёння ў ПАРЕ прызналі ўкраінскіх маракоў ваеннапалоннымі, падтрымаўшы адпаведную праўку ў праекце рэзалюцыі аб агрэсіі Расеі на камітэце Асамблеі.