Футбаліста на Infiniti падазраюць у махлярстве з мабільнымі тэлефонамі

• 23.01.2019, 20:41

У дачыненні да 19-гадовага футбаліста Лухвіча і яго дзяўчыны, студэнткі Акадэміі МУС, распачалі крымінальную справу.

У дачыненні да 19-гадовага футбаліста Іллі Лухвіча і яго дзяўчыны, 18-гадовай Анастасіі, студэнткі Акадэміі МУС, распачалі крымінальную справу.

Пра гэта ў Telegram інфармуе прэс-служба Следчага камітэта.

Раней паведамлялася, што яны затрыманыя праз падазрэнне ў махлярстве. Цяпер СК паведаміў, што махлярства звязана з продажам мабільных тэлефонаў. Адзначаецца, што «ва ўзаемадзеянні з ГУУС Менгарвыканкама ўстанаўліваюцца ўсе абставіны супрацьпраўных дзеянняў».

Лухвіча затрымалі за злосныя парушэнні правілаў дарожнага руху - відэа сваіх дзёрзкіх паездак ён публікаваў у Instagram. ДАІ Цэнтральнага раёна Менска праводзіла праверку паводле фактаў злосных парушэнняў ПДР, якія дапусціў кіроўца чорнай Infiniti FX. А потым гэтыя матэрыялы былі перададзеныя ў Следчы камітэт. І вось нечакана з'явілася справа аб махлярстве.

Ілля - сын беларускага футбольнага трэнера Аляксандра Лухвіча.