«Хутка вы даведаецеся больш»: Вакарчук пацвердзіў намеры ісці ў палітыку

• 23.01.2019, 18:12

На думку лідара гурту «Акіян Эльзы», у цэнтры ўвагі палітыкаў павінна быць барацьба з карупцыяй і пераўтварэнне судовай сістэмы.

Лідар гурту «Акіян Эльзы» Святаслаў Вакарчук заявіў, што плануе ісці ў палітыку.

Як піша «УНИАН», пра гэта ён заявіў на мерапрыемстве брытанскай украінскай супольнасці ў Лондане.

«Я ў справе і хутка вы даведаецеся больш», - сказаў Вакарчук, пры гэтым не пацвярджаючы намер ісці менавіта ў прэзідэнты Украіны.

«Я хацеў бы прыўнесці ва ўкраінскую палітыку як мага больш новых асоб. Улада як такая мяне не прываблівае.

У палітыку мяне прыводзіць расчараванне цяперашнім станам украінскай палітыкі», - патлумачыў Вакарчук. Ён адзначыў, што «барацьба з карупцыяй і пераўтварэнне судовай сістэмы павінны быць у цэнтры ўвагі».