Саўмін пастанавіў, колькі прыблізна будзе жыць беларус
- 23.01.2019, 16:17
Размах дзяржаўнага планавання ў Беларусі даходзіць да абсурду.
У пастанове ўрада ад 22 студзеня №45 зацверджаныя «найважнейшыя мэтавыя паказчыкі заказчыкаў дзяржпраграм на 2019 год».
Прывядзём самыя цікавыя з іх.
Чаканая сярэдняя працягласць жыцця складзе 75 гадоў, паведамляе БелТА.
Узровень зарэгістраванага беспрацоўя да канца 2019 года не павінен перавысіць 1%.
У спартыўным рэйтынгу на сусветнай арэне ў алімпійскіх дысцыплінах да канца 2019 года Беларусь павінна ўвайсці ў топ-25.
Сярэдні кошт квадратнага метра жылля з дзяржпадтрымкай да канца года павінен скласці Br1020.