У найбліжэйшую ноч у Беларусі пахаладае да -21 градуса

• 21.01.2019, 19:36

У Беларусі ўстанаўліваецца марознае надвор'е, якое захаваецца на бягучым тыдні.

Паводле звестак сіноптыкаў, у найбліжэйшую ноч тэмпература паветра складзе ад -4 да -10 градусаў, на поўначы - 11-16 марозу, а пры праясненнях - да -21. У дзённыя гадзіны чакаецца ад -2 да -7 градусаў (на поўначы краіны - ад -8 да -13). Невялікі снег пройдзе ў аўторак амаль па ўсёй Беларусі, інфармуе БелТА.

Уначы ў сераду, 23 студзеня, прагназуецца ад -6 да -13 градусаў (пры праясненнях - да 14-18 градусаў марозу), удзень - ад -3 да -10. Кароткачасовы снег магчымы толькі месцамі на поўдні краіны. У чацвер, 24 студзеня, ён пройдзе ў Гомельскай вобласці. У гэты дзень у начны час будзе 8-15 градусаў марозу (пры праясненнях - да -21), у дзённыя - ад -4 да -10, а месцамі - да -12 градусаў.

У пятніцу, 25 студзеня ўначы тэмпература паветра складзе ад -10 да -17 градусаў (пры праясненнях - да 18-21 марозу, у Берасцейскай вобласці - ад -7 да -9 градусаў), удзень - ад мінус 5 да -12 градусаў.

Часовае пацяпленне можа адбыцца ў выходныя дні, 26-27 студзеня.