Вадохрышча 2019: гісторыя і традыцыі ў гэты дзень
- 18.01.2019, 12:04
Вадохрышча - адно з галоўных царкоўных свят зімы.
19 студзеня ў Беларусі праваслаўныя хрысціяне будуць святкаваць Вадохрышча, адное з галоўных царкоўных свят зімы, піша «Апостроф».
Гэтае свята звязанае з хрышчэннем Ісуса ў рацэ Ярдан. Біблія піша, што Хрыстос хрысціўся, калі яму споўнілася 30 гадоў. Хрысціў Збаўцу Ян Прадвеснік, празваны за гэта ў народзе Янам Хрысціцелем.
Мяркуецца, што ў гэты дзень хрысціцца (набываючы святыя ўласцівасці) усялякая вада, нават проста з рэчкі або пакінутая на ноч на падаконні вада з-пад крана. Такая вада ў народзе называецца гаючай. Адсюль пайшоў і галоўны абрад свята - купанне на Вадохрышча.
Пачынаецца свята ўвечары 18 студзеня - на Вадохрышчанскую куццю. Паводле хрысціянскіх правілаў, гэта дзень строгага посту: дазваляюцца толькі посныя стравы і куцця.
Што нельга рабіць 19 студзеня ў дзень Вадохрышча:
- нельга піць спіртное
- нельга апускацца ў ваду без споведзі і прычасця
- нельга лаяцца, крычаць, брыдкасловіць і думаць пра благое
- купацца трэба з чыстымі думкамі
- нельга плакаць у гэты дзень, бо, як абвяшчае прыкмета, будзеш плакаць цэлы год да наступнага Вадохрышча
- нельга прыбіраць, працаваць, вязаць і шыць
- нельга мыць, бо можна апаганіць ці нават пакрыўдзіць ваду
- нельга гадаць.