Трамп паабяцаў грамадзянства і кар'еру ў ЗША таленавітым замежнікам

• 14.01.2019, 11:52

Амерыканскія ўлады спросцяць магчымасць атрымання грамадзянства для пэўных катэгорый мігрантаў.

ЗША спросцяць умовы для атрымання амерыканскага грамадзянства для замежнікаў, якія працуюць у краіне з візамі H1-B. Пра гэта 11 студзеня напісаў прэзідэнт ЗША Дональд Трамп на сваёй старонцы ў Twitter.

"Уладальнікі віз H1-B у ЗША могуць быць упэўненыя, што неўзабаве адбудуцца змены, якія забяспечаць прастату і ўпэўненасць у вашым знаходжанні і магчымым атрыманні грамадзянства. Мы хочам заахвоціць таленавітых і высокакваліфікаваных асоб да кар'ернага росту ў ЗША", - адзначыў ён.

Амерыканская рабочая віза H1-B дазваляе наймаць замежнага работніка на тэрмін да шасці гадоў. Гэта самы распаўсюджаны з усіх тыпаў віз, якія даюць права працаваць на тэрыторыі ЗША. Уладальнікам такога тыпу візы не трэба афармляць яе зноўку пры змене працадаўцы.