Пампэа: Выхад ЗША з Сірыі - тактычная змена

• 12.01.2019, 19:05

Дзяржаўны сакратар ЗША мяркуе, што вывад войскаў не мяняе вайсковы патэнцыял для процідзеяння ІД ды Ірану.

Дзяржаўны сакратар ЗША Майк Пампэа заявіў у суботу, што ён поўны аптымізму ў дачыненні да таго, што пасля размовы з міністрам замежных спраў Турцыі можа быць дасягнуты "добры вынік", які абароніць як Турцыю, так і сірыйскіх курдаў, піша mignews.com.

Выступаючы ў Абу-Дабі, Пампэа таксама заявіў, што вывад амэрыканскіх войскаў з Сірыі з'яўляецца "тактычнай зменай" і не мяняе вайсковы патэнцыял ЗША для процідзеяння ісламскай дзяржаве ды Ірану.