Грыцэнка падаў дакументы ў Цэнтрвыбаркам для ўдзелу ў выбарах прэзідэнта Украіны

• 12.01.2019, 15:42

Экс-міністр абароны Украіны будзе ўдзельнічаць у прэзідэнцкай гонцы.

12 студзеня лідар партыі «Грамадзянская пазіцыя», экс-міністр абароны Украіны Анатоль Грыцэнка падаў дакументы ў Цэнтральную выбарчую камісію (ЦВК) для ўдзелу ў прэзідэнцкіх выбарах. Гэты працэс трансляваўся на старонцы палітыка ў Facebook, паведамляе "Гордон".

Са слоў Грыцэнкі, прадугледжаны заканадаўствам заклад сумай 2,5 млн грн унесла ягоная партыя.

«І я ў тым ліку асабіста, як партыец», - падкрэсліў палітык.