На гарадзенскага журналіста склалі пратакол за матэрыял аб гарадскіх падвалах

• 11.01.2019, 15:31

Алесь Кіркевіч як гарадзенскі гісторык і журналіст дапамагаў «Белсату».

Як паведаміў журналіст-фрылансер Алесь Кіркевіч, у дачыненні да яго міліцыя склала пратакол на падставе ч.2 арт.22.9 КаАП Рэспублікі Беларусь (незаконны выраб і распаўсюд прадукцыі СМІ).

Як піша ПЦ «Вясна», пра гэта ён даведаўся, калі да яго 10 студзені прыйшлі супрацоўнікі міліцыі. Кіркевіча абвінавачваюць у тым, што ён запісаў для тэлеканала «Белсат» каментары гарадзенскіх краязнаўцаў на тэму гістарычнай спадчыны горада і яго турыстычнага патэнцыялу. Сюжэт пра патэнцыял старых гарадзенскіх скляпоў быў паказаны 7 снежня. Алесь Кіркевіч як гарадзенскі гісторык і журналіст дапамагаў яго рабіць.

Нагадаем, што ў Гародні сістэматычна пераследуюцца журналісты, якія супрацоўнічаюць з «Белсатам». Так, да вялікіх грашовых штрафаў былі прысуджаныя Аляксандр Дзянісаў, Андрэй Мялешка, Алесь Кіркевіч.