На расейскім Каўказе рыхтуюцца да масавых бунтаў
- 26.09.2018, 14:23
Улады Інгушэціі пачалі адключаць інтэрнэт.
Жыхары Магаса, сталіцы Інгушэціі, скардзяцца на перабоі ў працы мабільнага інтэрнэту, паведамляе партал «Кавказ.Реалии».
Як адзначае рэсурс, шмат хто ўважае, што гэта звязана з намерам правесці ў горадзе акцыі пратэсту 26 верасня, калі рэспубліканскія ўлады маюць намер падпісаць з Чачэніяй пагадненне аб усталяванні межаў паміж суб'ектамі. Мяркуецца, што ў рамках дамовы пад чачэнскую юрысдыкцыю будзе перададзеная частка тэрыторыі Сунжанскага раёна Інгушэціі.
«Дождь» са спасылкай на старшыню інгушскага аддзялення «Яблыка» Руслана Муцальгава паведамляе, што ўезд у Магас перакрыты бетоннымі блокамі. Ён жа распавёў, што інтэрнэт у рэгіёне працуе дрэнна, а ў сталіцы рэспублікі і ў Назрані яго няма наогул.
Паводле звестак «Кавказ.Реалии», цяпер у Інгушэціі праходзіць нарада кіраўнікоў рэгіёнаў Паўночна-Каўказскага федэральнай акругі з удзелам паўнамоцнага прадстаўніка прэзідэнта ў ПКФА Аляксандра Матоўнікава. Асноўным пытаннем на сустрэчы, як піша партал, з'яўляюцца імаверныя пратэстныя мітынгі ў рэспубліцы.
Інгушскія ўлады папярэдзілі, што будуць спыняць спробы правесці несанкцыянаваныя масавыя мерапрыемствы. Услед за гэтым паступілі паведамленні аб уводзе ў Магас калон з падраздзяленнямі Расгвардыі.
Незадаволенасць жыхароў Інгушэціі, акрамя планаў перадаць Чачні частку тэрыторыі рэгіёну, выклікана і адстаўкай кіраўніка Сунжанскага раёна Ісы Хашагульгова. Там грамадзяне 25 верасня вышлі на стыхійны мітынг да будынка мясцовай адміністрацыі, яшчэ адна акцыя адбылася 26 верасня.
Самі ўлады мяркуюць, што вызначэнне інгушскага-чачэнскай мяжы дазволіць «пазбегнуць крызісаў у будучыні, надасць дынаміку эканоміцы» і «дапаможа захаваць братэрскі дух стасункаў паміж інгушскім і чачэнскім народамі».
Рознагалоссі аб мяжы паміж Інгушэціяй і Чачэніяй узніклі ў кіраўнікоў суб'ектаў у 2012 годзе. Тады бакі не змаглі падзяліць Сунжанскі і Малгабецкі раёны. Кожная рэспубліка стварыла сваю камісію вызначэння тэрытарыяльна-адміністрацыйнай мяжы з суседам.
Нагадаем, што раней у Кабардзіна-Балкарыі успыхнуў нацыянальны канфлікт праз бітву XVIII стагоддзя.