BE RU EN

Усё так дрэнна? Пасля сустрэчы з Пуціным Лукашэнка паклікаў на нараду звольненага Сямашку

  • 23.09.2018, 10:13

Прэс-служба дыктатара маўчыць.

У суботу беларускі дыктатар на нарадзе ў Менску распавёў пра тое, што ён напярэдадні абмяркоўваў з прэзідэнтам Расеі ў Сочы. Гэта, вядома, вельмі дзіўна, але разам з членамі ўрада быў і былы віцэ-прэм'ер Уладзімір Сямашка, піша «Салідарнасць».

Прэс-служба дыктатара і дзяржаўных СМІ не патлумачылі, у якасці каго паклікалі на нараду звольненага месяц таму чыноўніка.

31 жніўня Лукашэнка заявіў: «Там кажуць, што, вось, Уладзімір Ільіч Сямашка стары, хворы...Ніякі ён не стары і не хворы. Галава ў яго на плячах прыстойная. І нам людзі патрэбныя. Можа быць, у нейкім больш вузкім сегменце. На лініі прарыву, на канкрэтных адрэзках».

Нагадаем, што на нарадзе ў суботу Лукашэнка заявіў: перамовы з Пуціным у Сочы былі нават не складаныя, а цяжкія.

Са слоў дыктатара, у фармаце сам-насам абмяркоўваліся «палітычныя пытанні, узаемастасункі Расеі і Беларусі ў рамках ЕАЭС, СНД, АДКБ і далейшага будаўніцтва «саюзнай дзяржавы».

Апошнія навіны