ААН: Емену пагражае голад

• 22.09.2018, 21:11

Жыхары краіны знаходзяцца ў такой складанай сітуацыі, што ядуць лісце.

Колькасць галоднага насельніцтва ў Емене можа ўзрасці да 11,5 мільёна чалавек, папярэджваюць ў ААН, паведамляе korrespondent.net.

Сітуацыя ў Емене блізкая да катастрофы. Пра гэта ў пятніцу, 21 верасня, на пасяджэнні Рады бяспекі ААН заявіў намеснік генеральнага сакратара ААН у гуманітарных пытаннях і каардынатар надзвычайнай дапамогі Марк Лоўкак.

Паводле ягоных слоў, у Емене колькасць жыхароў, якія не маюць рэгулярнай магчымасці паесці, найбліжэйшым часам можа павялічыцца амаль у паўтара раза. Калі цяпер іх лік роўна 8 мільёнам, то неўзабаве да іх могуць дадацца яшчэ 3,5 мільёна чалавек.

Цяжкая эканамічная сітуацыя ў краіне выклікана абясцэньванне еменскага рыяла. Яго кошт за апошні месяц знізіўся на 30%. А так як практычная ўся ежа, якая спажываецца ў Емене, імпартуецца, то зніжэнне кошту валюты наўпрост уплывае на рост коштаў на прадукты харчавання. Гэтая тэндэнцыя закранае блізу 10 мільёнаў жыхароў краіны.

Лоўкак падкрэслівае, што ў Емене ўжо цяпер ёсць асяродкі, дзе людзі галадаюць і вымушаныя ёсці лісце, не маючы больш ніякай ежы.