У ЗША студэнты разыгралі McDonald's і разбагацелі
- 21.09.2018, 20:59
Філіпінцы павесілі падробленую рэкламу рэстарацыі хуткага харчавання.
Хлопцы прыехалі ў ЗША, каб вучыцца ў Х'юстанскім універсітэце. Пражыўшы нейкі час у краіне, яны заўважылі, што ў амерыканскіх McDonald's амаль няма рэкламы з людзьмі азіяцкай знешнасці. Маравіла і Таледа наважылі запоўніць прабел і зрабілі фотасесію з прадуктамі з рэстарацыі хуткага харчавання, піша «Вокруг света».
Затым яны раздрукавалі вялікі банэр, на якім яны выяўленыя з бульбай-фры ў руках. Пасля гэтага яны набылі форму супрацоўнікаў McDonald's і незаўважанымі павесілі самаробную рэкламу на пустой сцяне ўстановы сеткі ў горадзе Пэрленд (Тэхас).
Адміністрацыя не заўважала велізарнае фота амаль два месяцы. Тады пранкеры знялі ролік, дзе падрабязна распавялі пра розыгрыш і паведамілі пра гэта на сваёй старонцы ў Twitter. Допіс лайкнулі больш за 1 мільён разоў. Дзякуючы гэтаму на выхадку хлопцаў звярнулі ўвагу ў папулярным «Шоу Элен Дэджэнерэс».