Беларускі зайшлі ва Украіну, збіраючы журавіны

• 20.09.2018, 20:36

Ім пагражае буйны штраф.

Інцыдэнт адбыўся 18 верасня. За 270 метраў ад беларуска-ўкраінскай мяжы пінскія памежнікі ў кірунку населенага пункту Нечатава (Беларусь) - населены пункт Бутава (Украіна) затрымалі двух жанчын.

Імі былі 46 і 39-гадовыя жыхаркі Столінскага раёна, якія знаходзіліся ў памежнай паласе цалкам законна, атрымаўшы папярэдне адпаведны пропуск на два гады. Аднак, збіраючы журавіны на беларускай тэрыторыі, яны наважылі пажывіцца ўкраінскай ягадай і паспрабавалі незаконна патрапіць на сумежную тэрыторыю, распавялі ў Дзяржпамежкамітэце.

У дачыненні да жанчын распачаты адміністрацыйны працэс паводле арт. 23.29 КоАП Рэспублікі Беларусь за парушэнне дзяржаўнай мяжы.

Акрамя таго, у затрыманых канфіскаваныя пропускі ў памежную паласу і на працягу года яны не змогуць патрапіць на рэжымную тэрыторыю. Надалей, пры жаданні атрымаць такі дакумент, гэты факт будзе ўлічвацца. Ім пагражае адміністрацыйнае пакаранне ў выглядзе штрафу сумай да 2450 беларускіх рублёў.