Еўракамісія прадставіла першыя ідэі аб рэформе СГА

• 18.09.2018, 19:28

Ідэі Еўракамісіі аб мадэрнізацыі СГА тычацца трох ключавых абсягоў.

Еўрапейская камісія прадставіла першы набор ідэй аб мадэрнізацыі Сусветнай гандлёвай арганізацыі.

Падыход ЕЗ да рэформы СГА выкладзены ў апублікаваным у аўторак дакуменце і будзе прадстаўлены партнёрам еўрапейцаў у Жэневе 20 верасня падчас сустрэчы аб гэтым пытанні, паведамляе eurointegration.com са спасылкай на сайт Еўракамісіі.

Прадстаўляючы дакумент, камісар у пытаннях гандлю Сесілія Мальмстрэм адзначыла, што Сусветная гандлёвая арганізацыя не змагла адэкватна адаптавацца да зменлівай глабальнай эканомікі.

"Свет змяніўся, аднак СГА - не. Цяпер самы час зрабіць так, каб сістэма магла развязваць праблемы сучаснай сусветнай эканомікі і зноў працаваць для ўсіх. І ЕЗ павінен адыгрываць у гэтым вядучую ролю", - адзначыла яна.

Ідэі Еўракамісіі аб мадэрнізацыі СГА датычацца трох ключавых абласцей: абнаўленне зводу правілаў аб міжнародным гандлі, якія б ахоплівалі сучасную сусветную эканоміку, узмацненне маніторынгавай ролі СГА і пераадоленне непазбежнага "тупіка" ў сістэме ўрэгулявання спрэчак СГА.

Адзначаецца, што ЕЗ працягне абмеркаванне гэтых ідэй з рознымі партнёрамі з СГА найбліжэйшыя тыдні з мэтай падрыхтоўкі канкрэтных прапаноў.