Украінскія сілы ААС аднаўляюць Аўдзееўку

• 16.09.2018, 16:56

Да 30 кастрычніка плануецца аднавіць 210 дамоў.

У Аўдзееўцы прадаўжаюцца работы аднаўлення жылых дамоў, пашкоджаных у выніку абстрэлаў сепаратыстаў.

Пра гэта паведамляе прэс-цэнтр Аперацыі аб'яднаных сілаў (ААС) на сваёй старонцы ў Facebook у нядзелю, 16 верасня, паведамляе korrespondent.net.

«На днях у прыфрантавым горадзе былі адноўленыя работы рамонту дахаў дамоў, размешчаных на вуліцах Коласава, Леванеўскага, Шаўчэнкі, Сядова, Лермантава і ў завулках Лясным, Ясінавацкім і Школьным» - гаворыцца ў паведамленні.

На загад Камандуючага ААС генерал-лейтэнанта Сяргея Наева, украінскім бокам СЦКК пры садзейнічанні спецыяльнай маніторынгавай місіі АБСЕ было забяспечанае ўстанаўленне рэжыму спынення агню ў раёне правядзення работ. Рамонт ажыццяўляецца сіламі спецыялістаў ДУ ДСНС Украіны ў Данецкай вобласці са складу Аб'яднаных сілаў пры садзейнічанні і каардынацыі ўкраінскага боку СЦКК.

«Пры ўмове захавання...рэжыму «цішыні», да 30 кастрычніка плануецца аднавіць 210 дамоў» - падсумавалі ў штабе ААС.