Заўтра ў Беларусі чакаецца да +27 градусаў

• 13.09.2018, 21:06

На поўдні краіны чакаюцца кароткачасовыя дажджы.

14 верасня ў Беларусі чакаецца воблачнае з праясненнямі надвор'е, інфармуе Белгідрамет.

Пераважна на паўднёвай палове краіны пройдуць кароткачасовыя дажджы, у асобных раёнах магчымы навальніцы. Вецер будзе паўночна-ўсходні, усходні слабы.

Уначы тэмпература паветра апусціцца да 7-13 градусаў цяпла, удзень чакаецца ад 15 да 21 вышэй за нуль. Цяплей за ўсё будзе на паўднёвым усходзе: удзень прагназуецца +22... +27 градусаў.