Васіль Мацюшэўскі вяртаецца ў банкіры

• 13.09.2018, 18:58

Мацюшэўскі, які пакінуў пасаду першага віцэ-прэм'ера, вяртаецца ў звыклай яму іпастасі банкіра.

Васіль Мацюшэўскі, які пакінуў 18 жніўня гэтага года пасаду першага віцэ-прэм'ера, вяртаецца ў звыклай яму іпастасі банкіра. Паводле звестак крыніц tut.by, у чацвер ён прайшоў кваліфікацыйную камісію Нацбанка на адпаведнасць пасады кіраўніка банка.

Найбольш імавернай новай пасадай для Мацюшэўскага ўдзельнікі банкаўскага рынку называюць пасаду старшыні праўлення Банка БелВЭБ. Акрамя таго, пакуль вакантная пасада кіраўніка Банка развіцця.

У прэс-службе Нацбанка пацвердзілі толькі факт правядзення камісіі, адзначыўшы, што на ёй не абмяркоўваюцца будучыя пасады, а правяраецца адпаведнасць кандыдатаў кваліфікацыйным патрабаванням і патрабаванням да дзелавой рэпутацыі.