У Расеі стала ўдвая больш безнадзейных завінавачаных
- 13.09.2018, 12:57
Колькасць пазычальнікаў з нявыплачанай пратэрміноўкай плацяжу вырасла да 6,7 мільёнаў чалавек.
За апошнія чатыры гады дзель пазычальнікаў з нявыплачанай пратэрміноўкай плацяжу ад паўгода вырасла амаль удвая і склала 12,1%. Паводле разлікаў Аб'яднанага крэдытнага бюро (АКБ), у першыя шэсць месяцаў 2018 іх колькасць павялічылася да 6,7 млн чалавек у параўнанні з 3,1 млн чалавек у сярэдзіне 2014 года, піша finanz.ru.
Рост дзелі безнадзейных завінавачаных тлумачыцца зніжэннем даходаў насельніцтва і агрэсіўным нарошчваннем крэдытных партфеляў банкамі.
За апошнія чатыры гады рэальныя даходы насельніцтва ўпалі на 11,4%: у 2014 году - на 0,7%, у 2015-м - на 3,2%, у 2016-м - на 5,8% і ў 2017-м - на 1,7%.
Значнае павелічэнне выдачы пазык насельніцтву прывяло да росту крэдытнай нагрузкі, што яшчэ да пагаршэння сітуацыі ў эканоміцы акумулявала павышаную рызыку, адзначае начальнік управы стратэгій спагнання Бінбанкам Станіслаў Вітвіцкі. Са звестак экспэрта, агулам база безнадзейных пазык ужо сфармаваная - шмат у чым у крызісны перыяд. Па выніках года дзель пазычальнікаў з нявыплачанай пратэрміноўкай ад шасці месяцаў складзе 12,2-12,3%, павялічыўшыся толькі на 0,1-0,2%, прагназуе галоўны аналітык «БКС Прэм'ер» Антон Пакатовіч.
Пры нявыплаце крэдыту больш як паўгода вяртання пазыкі пачынае патрабаваць ўласная служба спагнання банка. Калі гэта не дае выніку, банк звяртаецца ў суд або прадае пазыку калектарам.
Другі спосаб пры гэтым стане значна прасцейшы - адпаведныя папраўкі ў закон аб спагнанні завінавачанасці з фізічных асоб знаходзяцца на сёння ў Дзярждуме і рэкамендаваныя да прыняцця ў другім чытанні.
Яны маюць на мэце абавязковае пісьмовае паведамленне для кліента банка аб перадачы пазыкі калектарам - пра гэта пазычальнікі будуць дазнавацца толькі на спецыяльным рэсурсе ў інтэрнэце.
Згодна з папраўкамі, пазычальнік уважаецца за праінфармаванага аб прыцягненні калектараў, калі адпаведнае паведамленне размешчанае ў Адзіным федэральным рэестры звестак пра факты дзейнасці юрыдычных асоб, індывідуальных прадпрымальнікаў ды іншых суб'ектаў эканамічнай дзейнасці. Раней крэдытор быў абавязаны паведаміць кліенту праз пошце заказным лістом з паведамленнем аб уручэнні або шляхам уручэння апавяшчэння пад распіску.