Відэафакт: Над фестывалем LIDBEER гелікаптэр з турыстамі ледзь не рэзнуўся ў дрон

• 13.09.2018, 10:18

Беспілотнік апынуўся даслоўна за некалькіх сантыметраў ад лопасцяў гелікаптэра.

Усё здарылася ў мінулую суботу ў Лідзе - там праходзіў маштабны фестываль LIDBEER, піша kp.by. Фатограф здымаў панараму каля Лідскага замка выкарыстоўваючы беспілотны квадракоптэр з відэакамерай. На захаваных кадрах відаць, як проста ў робат ляціць гелікаптэр Мі-2, які катае турыстаў над фестывалем. Цудам верталёт не збіў робат - той апынуўся за лічаныя сантыметры ад лопасцяў.

- Усё нармальна, робат жывы, ні адной драпіны на ім няма. Як усё было: ляцеў гелікаптэр, і датчыкі робата са сваёй нагі вызначылі струмень паветра як перашкоду і абляцелі гелікаптэр. Усё нармальна, робат жывы, - пазней растлумачыў аўтар у сваім відэазвароце.

Відавочна, што пілот гелікаптэра папросту не заўважыў завіслы ў паветры робат. Спецыялісты кажуць, што, хутчэй за ўсё, ад сутыкнення гелікаптэр бы не пацярпеў - лопасці вытрымліваюць такія нагрузкі лёгка, і нават могуць падчас кручэння дакранацца зямлі - што неяк ужо здаралася падчас авія-шоў на Баравой. Аднак апынуцца пасажырам гелікаптэра, які проста ў паветры лопасцю збівае нейкі прадмет - не самае прыемнае задавальненне.

Гелікаптэр Мі-2 належыць Мінскаму клубу ДТСААФ і базуецца пад Менскам на аэрадроме Ліпкі. Гелікаптэру ўжо 33 гады.

У мінулым годзе відавочцы знялі, як такі ж гелікаптэр Мі-2, які катаў турыстаў падчас фестывалю, здзейсніў жорсткую пасадку. На шчасце, ніхто не пацярпеў.