Бельгіец выйграў у латарэю 107 мільёнаў еўраў

• 22.08.2018, 15:03

Аб джэкпоце марылі шматлікія ўдзельнікі ва ўсёй Еўропе.

Жыхар Бельгіі выйграў у латарэю EuroMillions €107,8 млн. Пра гэта паведаміла ў сераду прэс-служба бельгійскага аддзялення EuroMillions.

«Выйграны гіганцкі джэкпот на 107 839 228 еўраў, пра які марылі шматлікія ўдзельнікі ва ўсёй Еўропе, і менавіта ў Бельгіі была зарэгістраваная выйгрышная камбінацыя», - гаворыцца ў заяве.

Для атрымання галоўнага прыза латарэі трэба адгадаць камбінацыю 7 з 62 лікаў. Кошт аднаго квітка складае €2,5, імавернасць выйгрышу галоўнага прыза - 1 шанец на 139,8 мільёна.

EuroMillions мае адзін з самых вялікіх прызавых фондаў у свеце за кошт яе міжнароднага статусу. Сярэдняя сума галоўнага прыза складае €48 млн. EuroMillions пачала розыгрышы з 2004 года, і ў іх бяруць удзел нацыянальныя латарэйныя кампаніі Францыі, Вялікай Брытаніі, Ірландыі, Аўстрыі, Гішпаніі, Партугаліі, Люксембурга, Бельгіі і Швэйцарыі.