У Беларусі другім разам квітнеюць каштаны і яблыні

• 20.08.2018, 17:10

Лета ў краіне прадаўжаецца.

- Тое, што ў жніўні-верасні квітнеюць каштаны, для нас даўно не навіна і не анамалія, мы гэта даўно назіраем, - кажа kp.by намеснік дырэктара ў навуковай рабоце Палескага аграрнага інстытута Нацыянальнай акадэміі навук Віктар Дзямянчык. - А вось яблыні, грушы, бружмель, вішня зацвілі ўпершыню! Кветачкі на яблынях і іншых ружовакветкавых пладовых раслінах з'явіліся на Берасцейшчыне, у Гомельскай, Гарадзенскай абласцях. Кажуць, дзе-нідзе прачнуліся нават ландышы - вось вам і светлага траўня прывітанне! А проста ў цэнтры Менска, на плошчы Бангалор, квітнеюць каштаны. Гэта не масавае красаванне, хоць і з'ява не рэдкая: восень з вясной пераблыталі толькі некаторыя дрэвы. Навукоўцы кажуць, што дрэвы ў красавіку-траўні праз сухое надвор'е зэканомілі бутоны - яны «вылупіліся» цяпер, пакуль дастаткова цяпла і святла. А вось ці ператворацца кветкі ў другі ўраджай, прадбачыць нельга. Хутчэй за ўсё, не - справа ідзе да зімы, а плоду для паспявання патрэбен стабільны і высокі плюс. І нават такім чынам клімат на поўдні краіны становіцца ўсё больш падобным на сухі субтрапічны.

Дарэчы, надвор'е ў Беларусі да сярэдзіны тыдня будзе вызначаць антыцыклон. Паводле інфармацыі Белгідрамета, 22-23 жніўня будзе без ападкаў і цёпла. У паўднёва-заходніх рэгіёнах - да +24..+28 градусаў, у цэнтральных раёнах - ад +20 да +26.