Відэафакт: У Менску таксіст напаў на кіроўцу іншага аўто, той адказаў

• 20.08.2018, 11:03

Мяркуючы з усяго, справа была на сталічным праспекце Дзяржынскага.

Таксісту на Chery Tiggo нешта не спадабалася ў паводзінах кіроўцы Peugeot, які ехаў паперадзе.

Кіроўца, мабыць, заблакаваўся ў салоне, аднак таксіст нападаў на яго праз адчыненую шыбу. Той не адставаў і спрабаваў схапіць крыўдзіцеля за шыю, затым выйшаў з аўто і спрабаваў зняць таксіста на відэа, піша abw.by.

Як бачна, справа скончылася як мінімум парванымі футболкамі ў абодвух. Што стала прычынай такога эмацыйнага разбору, незразумела, аўтар відэа ніяк не пракаментаваў тое, што адбылося.