Брытанка правяла 10 гадзін у Адрыятычным моры пасля падзення з круізнага лайнера
- 19.08.2018, 19:11
Яе выратавала берагавая ахова Харватыі.
Берагавая ахова Харватыі выратавала грамадзянку Вялікабрытаніі, якая правяла 10 гадзін у Адрыятычным моры пасля падзення з круізнага судна.
Пра гэта паведамляе «Еўрапейская праўда» са спасылкай на The Associated Press.
Жанчыну ў нядзелю даставілі ў лякарню ў горадзе Пула і, як паведамляецца, яе жыццю нічога не пагражае.
Жанчына ўпала з круізнага судна Norwegian Star, прыкладна за 95 кіламетраў ад узбярэжжа Харватыі незадоўга да поўначы ў суботу.
Харвацкі выратавальны карабель знайшоў яе ў нядзелю раніцай недалёка ад таго месца, дзе яна, як меркавалася, выпала за борт лайнера.
Капітан выратавальнага карабля сказаў, што жанчына была моцна знясіленая. Праводзіцца расследаванне абставін інцыдэнту.