20-гадовы беларус спрабаваў збегчы праз мяжу ў ЕЗ па лепшую долю

• 18.08.2018, 19:51

Жыхар Віцебска спрабаваў нелегальна перайсці мяжу Беларусі з Еўразвязам.

Як паведамляе прэс-служба Дзяржаўнага памежнага камітэта, 20-гадовага парушальніка злавілі ўвечары 15 жніўня ля вёскі Брузгоў у Гарадзенскім раёне. Аб пабочнай асобе на рэжымнай тэрыторыі памежнікам паведамілі тутэйшыя жыхары.

Хлопец не хаваў сваіх намераў бегчы ў ЕЗ, куды ён хацеў трапіць у пошуках лепшай долі. Парушальніка затрымалі і завялі на яго адміністрацыйную справу за незаконны пераход мяжы і парушэнне памежнага рэжыму.

На наступны дзень яшчэ адзін нелегал выявіўся на мяжы з Украінай - грамадзянін гэтай дзяржавы пайшоў збіраць дзікарослыя расліны каля селішча Дроздыні Ровенскай вобласці і зайшоў на беларускую тэрыторыю. Ён меў магчымасць легальна атрымаць пропуск на тэрыторыю Палескага лясгаса як жыхар украінскага памежжа, аднак не стаў гэтага рабіць. Цяпер украінцу пагражае дэпартацыя з забаронай наведваць Беларусь на працягу 3 гадоў.