Расейцы прыедуць у Беларусь, каб падлічыць яблыкі і памідоры

• 18.08.2018, 10:59

Рассельгаснагляд будзе шукаць «санкцыйную прадукцыю».

Інспектары Рассельгаснагляду хочуць пераканацца, што ў Расею пастаўляецца беларуская прадукцыя, а не «санкцыйная».

З 20 да 24 жніўня яны наведаюць некалькі беларускіх прадпрыемстваў-вытворцаў яблыкаў і таматаў (адкрытага і закрытага грунту). Задача - параўнаць аб'ёмы вытворчасці і аб'ёмы паставак у РФ.

У паведамленні Рассельгаснагляду адзначаецца, што інспекцыя праводзіцца «ў сувязі з дасягнутымі дамоўленасцямі», паведамляе Еўрарадыё.