Лукашэнка: Людзі спрабуюць кінуць камень у агарод маіх пастаноў
- 17.08.2018, 14:32
Дыктатар даручыў сабраць выказванні пра яго ў СМІ і інтэрнэце.
Лукашэнка мае намер найбліжэйшым часам адрэагаваць на шэраг заяў у СМІ і інтэрнэце. Пра гэта ён заявіў сёння на нарадзе ў Менску, паведамляе БелТА.
«Я адсочваю СМІ, там асобныя ў інтэрнеце заявы і іншае... Я іх чую, я іх бачу, і я паспрабую найбліжэйшым часам на іх адрэагаваць», - сказаў дыктатар.
Ён папрасіў прэс-сакратара і прэс-службы разам з адміністрацыяй Лукашэнкі акумуляваць усе гэтыя заявы, як дробныя, так і буйныя, аб'яднаць па тэматыцы і прадставіць да зыходу дня. «Каб я мог адказаць людзям, якія спрабуюць кінуць камень у агарод тых пастаноў, якія мною прымаюцца», - адзначыў дыктатар.