Відэафакт: Расейцу давялося паўзком падымацца ў банк па пенсію

• 15.08.2018, 15:52

Інцыдэнт адбыўся ў Цюмені.

У Цюмені інваліду II групы Андрэю Раманаву даводзіцца паўзком наведвацца ў офіс банка, каб забраць сваю пенсію. Свае высілкі па дарозе па выплаты мужчына зняў на відэа, каб кіраўніцтва ўстановы звярнула ўвагу на праблемы наведвальнікаў з абмежаванымі магчымасцямі і ўсё ж усталявала на лесвіцы пандусы, паведамляе URA.RU.

Гаворка ідзе пра філіял «Ханты-Мансійскага банка «Адкрыццё» на праездзе 9 Траўня. Ля ўваходу ў офіс сапраўды знаходзіцца даволі крутая лесвіца, пераадолець якую Андрэй у стане толькі паўзком.

Прычым каля ўваходу ў банк ўсталяваная спецыяльная кнопка для дапамогі наведвальнікам-інвалідам. Андрэй неаднаразова спрабаваў ёй скарыстацца, але тая, відавочна, не працуе.

Журналісты URA.RU паспрабавалі звязацца з кіраўніком фінансавай установы, але на момант званка яе ў офісе не выявілася.