Відэафакт: Горадня сышла пад ваду

• 14.08.2018, 20:54

Не вытрымала старая ліўнёўка.

Моцны лівень, які прайшоў у Горадні 14 жніўня а 16:00 затапіў некаторыя раёны горада. Традыцыйна затопленымі апынуліся цэнтральныя вуліцы, дзе ёсць старая ліўнёўка, і ўпершыню моцна затапіла малады мікрараён Альшанку, піша Hrodna.life.

Перш за ўсё затапіла вуліцу Напалеона Орды: машыны ледзь маглі праехаць, а радасныя дзеці кінуліся купацца ў лужыну.